Mera Maula Ali

2020

Salam Hussain
Aye Bawafa
Maula Imam e Raza
Mazloom Ka Matam
Mera Mazloom Hussain
Peer Ghazi
Rasool e Akram ka Dilruba
Remember Hussain
Shad rahe Karbala
Zainab E Hazin e Man

Ya Ali Ya Ali Ya Ali Ya Ali Ya Ali.
Ali Asadullah Ali Asadullah Ali Asadullah.

Ilzam Yeh Hai Ishq Mein Dewana Hoon.
Ilzam Yeh Hai Khud Se Main Begana Hoon.
Ilzam Hai Molai Hoon Mastana Hoon.
Iqrar Hai Mujh Ko Meri Fitrat Hai Malangana.
Andaz Yagana Meri Sohbat Bhi Faqeerana.
Naaz Se Kehta Hoon Main Hoon Haidery Parwana.

Main Hoon Sag-e-Shah-e-Najaf Peer Mera Ali Ali.
Haan Mera Maula Ali.
Ashhadu Anna Ali Un Wali Ullah.
Lah Dil Our Dil Mein Ali.

Mujh Se Suno Kis Ne Hai Dewana Banaya.
Kis Ne Mere Qalb Pe Hai Deera Jamaya.
Our Kis Ne Wila Ka Hai Mujhe Jaam Pilaya.
Woh Noor-e-Khuda Noor-e-Nabi Noor-e-Do Chashmanam.
Maula-e-Bashar Ilm Ka Dar Fakhar-e-Bani Aadam.
Bad-e-Khuda Bad-e-Nabi Sab Se Bara Ali Ali.

Kiya Zaat Mere Peer Ki ALLAH Ne Banai.
Aisi Tu Koi Zaat Zamane Mein Na Aayi.
Haan Jis Ki Paristar Hai Yeh Sari Khudai.
Maidan-e-Ghadeer Mein Nabi Jis Ke Liye Bola.
Jis Jis Ka Bhi Maula Hoon Main Oss Ka Hai Ali Maula.
Aaj Bhi Hai Yeh Dil-e-Momin Pe Likha Ali Ali.

Yeh Mera Junoon Hosh Ki Deta Hai Gawahi.
Ik Do Nahi Chodah Ki Mere Dil Pe Hai Shahi.
Wallah Dar-e-Ilm Ki Karta Hoon Ghulami.
Salman Ne Batlaye Hain Kuch Raaz Faqeerana.
Qanbar Ne Sikhaye Mujhe Aadab-e-Malangana.
Ishq Mera Aqal Meri Hosh Mera Ali Ali.

Qalandaron Ke Mazaron Ko Chomney Walo.
Qalandaron Ki Sada Bhi Kabhi Sun Lo Kya Hai.
Sada-e-Malang-e-Ali Sada-e-Faqeer-e-Ali.

Har Narah-e-Haider Mein Ali Bool Raha Hai.
Dam Mast Qalandar Mein Ali Bool Raha Hai.
Momin Hoon Mere Dil Mein Ali Bool Raha Hai.
Nazaan Hoon Muqadar Mein Ali Bool Raha Hai.
Seene Mein Hai Dil Dil Mein Dharkta Hai Ali Maula.
Waliyon Ka Faqeeron Ka Wazeefa Hai Ali Maula.

Afsoos Tere Ghar Ko Zamane Ne Sataya.
Afsoos Tere Samne Zahra Ko Rulaya.
Afsoos Musallay Pe Lahu Tera Bahaya.
Beton Ko Kiya Qatal Sar-e-Karb-o-Bala Maula.
Our Betiyaan Darbar Mein Paband-e-Jafa Maula.
Haar Gaye Ahl-e-Jafa Jeet Gaya Ali Ali.

Wali ALLAH Ali, Asad ALLAH Ali.

Mera Murshid Mera Aaqa Mera Sultan Ali.
Mera Waris Mera Maula Mera Eman Ali.
Kitne Anmool Hain Aala Hain Muqadar Unn Ke.
Jin Ki Wallah Hai Zamane Mein Hai Pehchan Ali.
Mere Dil Mein Tu Sada Maula Mera Rehta Hai.
Kash Ik Roz Mere Ghar Mein Ho Mehman Ali.

Qahir Al Addo, Haider.
Wali Al Wali, Haider.
Ishq-e-Fatima, Haider.
Murtaza Ali, Haider.
Ya Ab-Al Hasan, Haider.
Maula-e-Zaman, Haider.
Sultan-e-Sukhan, Haider.
E Naz-e-Chaman, Haider.
La Fatha Ali, Haider.
Elia Ali, Haider.
Nasir-e-Nabi, Haider.
Waliyon Ka Wali, Haider.

Ya Ali Kehti Hai Dunya Mujhe Nokar Tera.
Ab Mujhe Dolat-e-Dunya Ki Tamana Hi Nahi.
Shahiyaan Chor Ke Aate Hain Shehanshah Yahan.
Our Faqeer Aap Ka Dar Chor Ke Jata Hi Nahi.

Go to Top