LYRICS

Rasool-e-Akram Ka Dilruba Be Khata Mara Gaya.
Khair-Al-Nisa Ka Ladla Be Gunah Mara Gaya.

Mustafa Ki Ladli Ne Nazoon Se Pala Jisay.
Woh Sar-e-Karb-o-Bala Be Gunah Mara Gaya.

Chayi Kabay Par Udasi Hil Gaya Arsh-e-Barin.
Jab Hussain Ibn-e-Ali Aye Khuda Mara Gaya.

Roti Hain Kulsoom-o-Zainab Lasha-e-Shabeer Pe.
Behno Ka Pardais Mein Aasra Mara Gaya.

Bain Karti Hai Sakina Main Yateema Ho Gayi.
Jab Mera Baba Sar-e-Karbala Mara Gaya.

Bhai Tha Abbas Jis Ka Lal Akbar Sa Jawaan.
Badshahon Ka Wohi Badshah Mara Gaya.