LYRICS

Gir Para Ghorey Se Jab Ran Mein Sheh-e-Karb-o-Bala.
Sare Aalam Mein Qayamat Ka Tha Ik Shoor Bapa.
Dard Mein Dobi Hoi Aayi Yeh Ik Maa Ki Sada.
Haye Mazloom Hussain Mera Mazloom Hussain.
Asar-e-Ashor Mera Lal Bara Pyasa Hai.

Yeh Muhammad Ka Nawasa Hai Ali Ka Beta.
Kya Khata Hai Mere Betay Ki Batao Tu Zara.
Zalimo Kyun Issay Be Jurm-o-Khata Ghaira Hai.

Haye Tanhai Ka Aalam Ke Koi Pas Nahi.
Haye Qasim Nahi Akbar Nahi Abbas Nahi.
Ya Ali Aao Mera Lal Bara Tanha Hai.

Aik Din Mein Bharay Lashkar Ka Bhi Gham Dekha Hai.
Iss Ne Abbas Ka Akbar Ka Bhi Gham Dekha Hai.
Dafan Kar Ke Ali Asghar Ko Abhi Aaya Hai.

Haye Chalni Hai Jigar Phir Bhi Nahi Roya Hai.
Kitne Din Se Tu Mere Lal Nahi Soya Hai.
Aa Meri Gaud Mein So Ja Tu Bohat Jaga Hai.

Aaiye Behar-e-Khuda Hashar Bapa Hai Baba.
Shimar Khanjar Liye Baleen Pe Khara Hai Baba.
Aap Ke Pyaray Nawasay Ka Gala Katta Hai.