Hai Soag Jis Jaga Bhi Shah E Mashraqain Ka
Khud Pursa Zahra Leti Hain Is Noor E Ain Ka
Rona Sawab Na Jis Py Na Rona Haram Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

Yeh Majlisen Hain Hamd E Khuda Naat E Mustafa
In Majlison Mein Hota Hai Quran Lab Kusha
In Majlison Sy Milta Hai Jannat Ka Rasta
In Majlison Ki Hoti Hai Kuch Aisy Ibtida
Zakir Ky Lab Py Pehly Khuda Ka Kalam Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

In Majlison Mein Hoti Hai Insaniyat Ki Bat
Zikr E Gham E Hussain Hai Wehdaniat Ki Bat
Yeh Majlisen Rasool Ki Haqaniyat Ki Bat
Rad Karti Hain Yeh Majlisen Sufiyaniat Ki Bat
In Ky Sabab To Hurr Bhi Alehissalaam Hey
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

In Majlison Ko Ajar E Risalat Kaha Gaya
Roz E Azal Sy Rony Ko Fitrat Kaha Gaya
Dil Ki Lughat Mein Is Ko Muhabbat Kaha Gaya
Yani Isy Batool Ki Sunnat Kaha Gaya
Har Rony Wali Ankh Ko Mera Salam Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

Ek Majlis E Aza Jo Hui Mulk E Sham Mein
Zainab Ny Saf Bichai Thi Yad E Imam Mein
Aanso Chupy Huye Thy Shaheedon Ky Naam Mein
Matam Hua Jo Yad E Shah E Tashna Kaam Mein
Tab Sy Gham E Hussain Zamaney Mein Aam Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

Majlis Mein Zikr E Bali Sakina Kiya Karo
Pani Piyo To Yad Shah E Karbala Ki Ho
Majlis Mein Tazkira Ali Asghar Ka Jab Suno
Ek Aah E Sard Bhar Ky Tarhap Kar Yehi Kaho
Asghar Barha Shaheedon Mein Tera Muqaam Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

Is Majlis E Hussain Ka Sarwar Hai Noha Khuwan
Thakti Nahi Zikr E Hussaini Mein Yun Zuban
Ghutti Mein Ashk E Gham Ko Pilati Rahi Hai Maan
Walid Ny Di Hai Kan Mein Nohon Ki Woh Azan
Rehan Jis Sy Sary Zamany Mein Naam Hai
Chashm E Khuda Mein Is Ka Barha Ehtram Hai

Yeh Majlis E Hussain Alehissalaam Hey
Chashm E Khuda Mein Is Ka Barha Ehtram Hai

Share This Lyrics, Choose Your Platform!