Haye Qaidi Hun Main Baba Jan Ab Shahzadi Kahan

Ab Shahzadi Kahan Qaidi Hun Main Baba Jan

Na Apna Woh Ghar Hai Na Apna Madina
Woh Baanhen Chacha Ki Tumhara Woh Seena
Bolo Khudara Tum Ho Kahan Main Kahan
Qaidi Hun Main Baba Jan

Jis Din Sy Tum Sy Juda Ho Gai Hun
Dekho To Baba Main Kya Ho Gai Hun
Ujra Makaan Hai Rehti Hun Ab Main Jahan
Qaidi Hun Main Baba Jan

Kehti Na Thi Dekho Na Jao Baba
Taras Khao Mujh Par Taras Khao Baba
Tum Kya Gaye Ho Mujh Par Gira Aasman
Qaidi Hun Main Baba Jan

Jaisy Hi Naizey Py Tum Aaye Baba
Mainy Tamanchay Bahot Khaye Baba
Rukhsar Par Hain Abhi Tak Sitam Ky Nishan
Qaidi Hun Main Baba Jan

Maanga Kaneezi Mein Baba Kisi Ny
Phainka Meri Samt Sadqa Kisi Ny
Paidal Chali Hun Kaanton Ky Main Darmian
Qaidi Hun Main Baba Jan

Milny Ko Hum Sy Chaly Ao Baba
Ek Bar Chehra Dikha Jao Baba
Ay Pyary Baba Phir Hum Kahan Tum Kahan
Qaidi Hun Main Baba Jan

Chalo Sham Chalty Hain Rehan O Sarwar
Wahan Dekhna Kya Hai Chehlum Ka Manzar
Bibi Sakina Karti Hain Ab Tak Fughan
Qaidi Hun Main Baba Jan

Share This Lyrics, Choose Your Platform!