Na Miley Ga

Na Miley Ga Tujhy Shabbir Sa Bhai Zainab
Dhundny Jaye Gi Gar Sari Khudai Zainab

Apny Ashkon Sy Jala Sham E Ghareeban Ky Charagh
Tu Hi Atthara Charaghon Ki Ekaai Zainab

Na Miley Ga Tujhy Shabbir Sa Bhai Zainab

Jany Kya Sham E Ghareeban Mein Sitam Tooty Hain
Umr Bhar Chain Sy Phir So Nahi Pai Zainab

Na Miley Ga Tujhy Shabbir Sa Bhai Zainab

Do Pisar Tu Ny To Do Bazoo Diye Ghazi Ny
Pehly To Rasm E Wafa Tu Ny Nibhai Zainab

Na Miley Ga Tujhy Shabbir Sa Bhai Zainab

Surkh Yeh Kis Ky Lahu Sy Hui Poshak Teri
Lash Kya Seeny Sy Akbar Ki Lagai Zainab

Na Miley Ga Tujhy Shabbir Sa Bhai Zainab

Pani Ko Dekh Ky Kiun Kar Na Jigar Tukrhy Ho
Kha Gai Hai Tery Ghazi Ko Tarai Zainab

Na Miley Ga Tujhy Shabbir Sa Bhai Zainab

Haye Kis Shan Sy Nikli Thi Watan Sy Zainab
Kaisi Ghurbat Ko Samaity Hui Aai Zainab

Na Miley Ga Tujhy Shabbir Sa Bhai Zainab

Rooh E Abbas Alam Dar Na Tarhpy Kiun Kar
Bey Rida Sham Ky Darbar Mein Ai Zainab

Na Miley Ga Tujhy Shabbir Sa Bhai Zainab

Sare Gham Bhool Gaye Sarwar O Rehan Magar
Farsh E Gham Hai Tery Bhai Ki Bichai Zainab

Na Miley Ga Tujhy Shabbir Sa Bhai Zainab

Dhundny Jaye Gi Gar Sari Khudai Zainab
Na Miley Ga Tujhy Shabbir Sa Bhai Zainab

Share This Lyrics, Choose Your Platform!