Milkey Sab Matam-e-Shabbir a.s Kareyn

(Matam-e-Shabbir a.s) x3
(Milkey Sab Matam-e-Shabbir a.s Kareyn) 2x
Dil ba Dil Seena ba Seena Karbala Tameer Kareyn
(Milkey Sab Matam-e-Shabbir a.s Kareyn) x2

Ye Matam Pehchan Hamari
Iss pe Jaan Qurbaan Hamari
Jism Yehi ye Jaan Hamari
Ye Matam hai Shaan Hamari
Kehta Hai imaan Hamara Saarey Jawaan o Peer Kareyn
(Milkey Sab Matam-e-Shabbir a.s Kareyn) x2

Asghar a.s Teri Payas ka Matam
Akbar a.s ka Abbas a.s ka Matam
Hasrat ka Aur Yaas ka Matam
Haasil hai Ehsaas Ka Matam
Laakh Zamana Humko Rokey
Hum Isski Tash'heer Kareyn
(Milkey Sab Matam-e-Shabbir a.s Kareyn) x2

Ye Matam Mazloom ka Matam
Zehra s.a Ke Masoom Ka Matam
Paani se Mehroom ka Matam
Teygh Taley Halqoom Ka Matam
is Matam se Hum jo Chaheyn
Waqt ko Zanjeer Kareyn
(Milkey Sab Matam-e-Shabbir a.s Kareyn) x2

Abid a.s ki Zanjeer ka Matam
Kushk Galey aur Teer ka Matam
Zainab s.a ka Shabbir a.s ka Matam
Dil se Kareyn Dilgeer ka Matam
Jo Matam Zainab s.a ne Kiya Tha
Ham Usski Tafseer Kareyn
(Milkey Sab Matam-e-Shabbir a.s Kareyn) x2

Matam kya hai Sheh ka Alam hai
Ye Matam to Deen ka Bharam hai
Jis Sey Khushi ho wo yeh Gham Hai
Haq ka Yahi Matam Parcham hai
is Parcham ko is Matam ko
Seeno'n pe Tahreer Kareyn
(Milkey Sab Matam-e-Shabbir a.s Kareyn) x2

Matam Jiss Ka Darya Darya
Jisski Wafa Imaan ka Chehra
Jiss Key Alam ka Khoon Me Pharera
Doob Gaya wo Chand na Duba
Uski Wafaa Kehti hai Hum se
Duniyo ko Taskheer Kareyn
(Milkey Sab Matam-e-Shabbir a.s Kareyn) x2

Yaad May Teri Sham-e-Ghareebaan
Matam Karney Waley Insan
Kartey Hain Jab Chaak Gharebaan
Zehra s.a khud Hoti hain Giryaan
Sunnat-e-Zehra s.a hai ye Matam
Isko Aalamgeer Kareyn
(Milkey Sab Matam-e-Shabbir a.s Kareyn) x2

Kar Na Saki Jo Bhaai Ka Gham
Uss Zainab s.a ki Yaad Mein ab Hum
Ranj O Khushi Se Kar Key Baham
Har Din Samjhey Mah-e-Muharram
Zakhm-e-Dil-e-Zainab s.a Ki Khaatir
Koi Dawa Akseer Kareyn
(Milkey Sab Matam-e-Shabbir a.s Kareyn) x2

Jinkey Rassan Main Haath Bandey Thay
Kaisey Bhala wo Matam Kartey
Unkey Dilo'n Main Yaad Basa Key
Nouhay Ki Matam ki Sada se
Ahl-e-Azza Zehra s.a Ki Dua Sey
Khuld ko Jageer Kareyn
(Milkey Sab Matam-e-Shabbir a.s Kareyn) x2

Moula aisa Zarf Ata Kar
Ye Matam Soughaat Bana kar
Leyjaayen Seeno'n Pe Sajja Kar
Shehr-e-Najaf Main Dil Main Basa Kar
Apni Azaadari ka Tohfa
Nazr-e-Khaiber Geer Kareyn
(Milkey Sab Matam-e-Shabbir a.s Kareyn) x2

Keh Deynge Rehan-O-Sarwar
Hashar Main Jab Khatoon-e-Mehshar
Poochengi Ye Baat Jo Aakar
Chaahiye Kya Matam ki Bina Par
Hum Kehdeynge Hum ko Ghulam-e-Shabbar-O-Shabbir Kareyn
(Milkey Sab Matam-e-Shabbir a.s Kareyn) x5

Share This Lyrics, Choose Your Platform!