Haye
Salami Laeenon Ny Kya Kya Jafa Ki
Nasha Ki Hui Yad Mushkil Kusha Ki

Thi Sham E Ghareeban Qayamat Bapa Thi
Ke Ek Hath Zainab Ki Chadar Tak Aaya

To Zainab Ke Lab Par Faqat Ek Sada Thi
Mere Sar Pe Lillah Rehne De Chadar

Kuch Ay Shimr Qeemat Samajh Is Rida Ki
Ky Yeh Pak Chadar Hai Khair Un Nisa Ki

Mere Sar Pe Lillah Rehne De Chadar

Khuly Sar Jisy Bhaiyon Ny Na Dekha
Uth Rat Mein Jis Ki Maan Ka Janaza
Woh Din Main Hai Mohtaaj Bas Ek Rida Ki
Merey Sar Pe Lillah Rehne De Chadar

Lo Bandho Mere Hath Kehti Thi Zainab
Na Cheeno Rida Keh Ke Roti Thi Zainab
Main Mazloom Beti Hun Mushkil Kusha Ki
Mery Sar Pe Lillah Rehne De Chadar

Zara Jag Ay Mere Ghayoor Bhai
Ke Ab Baat Meri Rida Tak Hai Aai
Behan Ko Zaroorat Hai Teri Wafa Ki
Mere Sar Pe Lillah Rehne De Chadar

Utho Mere Sajjad Jalty Hain Khaimey
Sambhalun Akeli Main Bachon Ko Kaisy
Main Kese Sahun Sakhtian Ashqiya Ki
Mere Sar Pe Lillah Rehne De Chadar

Woh Sham E Ghareeban Mein Baba Ka Ana
Woh Zainab Ka Hathon Sy Chehra Chupana
Khuda Sy Rida K Liye Iltija Ki
Mere Sar Pe Lillah Rehne De Chadar

Tamashai Koofey Ki Galiyon Mein Kehty
Zamany Badalty Hain Lamhon Mein Kitny
Ke Sar Nange Zainab Hai Qudrat Khuda Ki
Mere Sar Pe Lillah Rehne De Chadar

Woh Maayen Woh Behnen Kaneezan E Zainab
Jo Hain Aj Bhi Pursa Daraan E Zainab
Rakhe Laaj Zainab Ki Bas Us Sada Ki
Mere Sar Pe Lillah Rehne De Chadar

Gaye Un Ky Rozy Py Rehan O Sarwar
Mila Ek Sakoon Sheh Ka Noha Suna Kar
Khalish Aj Tak Hai Magar Us Buka Ki
Mere Sar Pe Lillah Rehne De Chadar

Share This Lyrics, Choose Your Platform!