Main Rahun Ya Na Rahun
Mera Islam Rahy Ga
Mera Paigham Rahy Ga

Ay Faoj E Ashqiya Mera Islam Rahy Ga
Quran Rahy Ga Mera Paigham Rahy Ga

Main Rahun Ya Na Rahun
Mera Islam Rahy Ga
Mera Paigham Rahy Ga

Jab Zohr Tak Hussain Bahattar Ko Ro Chuky
Akbar Ko Ro Chuky Ali Asghar Ko Ro Chuky
Ek Dopehr Mein Bawafa Lashkar Ko Ro Chuky
Phir Faoj E Bad Nasab Sy Mukhatib Huye Imam
Hujjat Tamam Karta Hun Sun Lo Mera Payaam

Main Rahun Ya Na Rahun
Mera Islam Rahy Ga
Mera Paigham Rahy Ga

Farmatey Thy Hussain Ky Main Bey Qusoor Hun
Roshan Hai Tum Py Chashm E Payambar Ka Noor Hun
Faaqon Sy Main Nidhal Hun Zakhmon Sy Choor Hun
Zakhmon Py Zakhm Pyaas Ki Shiddat Mein Khaun Ga
Lekin Main Nana Jaan Sy Wada Nibhaun Ga

Main Rahun Ya Na Rahun
Mera Islam Rahy Ga
Mera Paigham Rahy Ga

Dariya Ko Tum Ny Cheen Liya Mainy Kuch Kiya
Pani Dikha Dikha Ky Piya Mainy Kuch Kaha
Dagh Akbar E Jawan Ka Diya Mainy Kuch Kaha
Haq Par Hun Mery Haq Mein Sinan Bol Rahi Hai
Sun Lo Woh Azan Meri Zubaan Bol Rahi Hai

Main Rahun Ya Na Rahun
Mera Islam Rahy Ga
Mera Paigham Rahy Ga

Maqsad Hai La Ilaa Ki Baqa Aur Kuch Nahi
Wada Ho Wafa Zair E Taigh Wafa Aur Kuch Nahi
Is Ky Siwa Labon Py Dua Aur Kuch Nahi
Razi Ho Mujh Sy Mera Khuda Chahta Hun Main
Main Hun Hussain Sab Ka Bhala Chahta Hun Main

Main Rahun Ya Na Rahun
Mera Islam Rahe Ga
Mera Paigham Rahe Ga

Maqsad Nahi Hai Jang Hamara Khuda Gawaah
Khat Bhej Ky Hai Tum Ny Bulaya Khuda Gawaah
Bey Jurm Tum Ny Mujh Ko Sataya Khuda Gawaah
Khanjar Taly Buland Main Takbeer Karun Ga
Apny Lahoo Sy Khak Py Tehreer Karun Ga

Main Rahun Ya Na Rahun
Mera Islam Rahy Ga
Mera Paigham Rahy Ga

Main Aur Karun Yazeed Ki Baiyat Nahi Nahi
Badlun Ajal Ky Dar Sy Shariat Nahi Nahi
Jeeney Ky Badly Chorhun Shahadat Nahi Nahi
Tum Kon Ho Naqab Rukhon Sy Hataun Ga
Main Kon Ho Yeh Nok E Sinaan Par Bataun Ga

Main Rahun Ya Na Rahun
Mera Islam Rahy Ga
Mera Paigham Rahy Ga

Aa Kar Dar E Khayaam Py Zainab Ko Di Sada
Aa Ay Meri Ghareeb Behan Aa Qareeb Aa
Ly Akhri Salam Hussain E Kareen Ka
Maqsad Hai Mera Kya Yeh Sabaq Tujh Ko Yad Hai
Meri Shareek E Kaar Mujhe Aitemaad Hai

Main Rahun Ya Na Rahun
Mera Islam Rahy Ga
Mera Paigham Rahy Ga

Zainab Tarhap Ky Boli Ky Bhaia Samajh Gai
Bhaia Tery Ishary Ko Behna Samajh Gai
Main Kya Teri Ghareeb Sakina Samajh Gai
Khutbon Sy Main Hilaun Gi Main Qasr E Yazeed Ko
Marny Na Dun Gi Ab Main Kisi Bhi Shaheed Ko

Main Rahun Ya Na Rahun
Mera Islam Rahy Ga
Mera Paigham Rahy Ga

Utha Ghubaar E Zulm Karhakti Hain Bijlian
Zeen Sy Giry Hussain Uthiin Surkh Aandhian
Nagaah Sar Hussain Ka Aaya Sar E Sinaan
Quran Suna Ky Syed E Mazloom Ny Kaha
Lo Nana Jan Wada Wafa Main Ny Kar Diya

Main Rahun Ya Na Rahun
Mera Islam Rahy Ga
Mera Paigham Rahy Ga

Ay Sarwar O Rehan Yeh Lamha Ajeeb Hai
Naizey Py Lab Kusha Yeh Hussain E Ghareeb Hai
Zainab Tumhari Sham E Ghareeban Qareeb Hai
Sab Kuch Tery Hawaly Hai Ab Tum Sambhalna
Apna Khayal Rakhna Sakina Ko Paalna

Main Rahun Ya Na Rahun
Mera Islam Rahy Ga
Mera Paigham Rahy Ga

Share This Lyrics, Choose Your Platform!