Meri To Aas Merey Seeney May Mar Jaati Hai
Dekheyn Iss Qaid Se Kab Milti Hai Rukhsat Ammaa'n
(Haaye Zindaan-e-Shaam) x4

Bekasi Kaisi Hai ye Kaisi hai Gurbat Ammaa'n 2x
Kya Baneygi Issi Zindaan May Turbat Ammaa'n
Kehna Baba a.s Se Khuda Hafiz O Nasir Baba a.s
Lo Ke Ab Hoti Hoon Zindaan Se Rukhsat Ammaa'n
(Haaye Zindaan-e-Shaam) x3

Ab To Din May Bhi Ujaalo'n Se Mulaaqat Nahi
Jo Tadap Kar Naa Guzaari Ho Koi Raat Nahi
Kya Karoo Jeekar Chacha a.s Merey Merey Sath Nahi
Do Dua Khatm Ho Ab Jald Musibat Ammaa'n
(Haaye Zindaan-e-Shaam) x3

Ab Sar-e-Shaam Parindo'n Pe Nazar Jaati Hai
Aisi Makhlooq Hai URtey Huey Ghar Jaati Hai
Meri To Aas Merey Seeney May Mar Jaati Hai
Dekheyn Iss Qaid Se Kab Milti Hai Rukhsat Ammaa'n
(Haaye Zindaan-e-Shaam) x3

Tum Inhi KapRo'n Ko Aey Ammaa'n Bana Dena Kafan
Ho Nahi Saktey Ye Tabdeel Ke Zakhmi Hai Badan
Baba a.a Aajayen To Keh Dena Unhey Mera Sukhan
Apney Baba a.s Ki Naa Kar Paayi Main Khidmat Ammaa'n
(Haaye Zindaan-e-Shaam) x3

Merey Baba a.s Ka Wo Seena Meri Ammaa'n Laa Do
Jo Tha Jeeney Ka Kareena Meri Ammaa'n Laa Do
Jo Tha Aaram-e-Sakeena s.a Meri Ammaa'n Laa Do
Iss Sey Pehley Ke Ho Ab Mout Sey Qurbat Ammaa'n
(Haaye Zindaan-e-Shaam) x3

Ho Sakey To Ali Asghar a.s Ka Wo Jhoola Laa Do
Ammaa'n Bhayya Ka Merey Mujhko Shalooka Laa Do
Wo Jo Taveez Tha Mannat Ka Khudaara Laa Do
Mujhko Phir Marney May Hovegi Naa Diqqat Ammaa'n
(Haaye Zindaan-e-Shaam) x3

Gher Jaao Ke Khuda Hafiz O Nasir Ammaa'n
Saath Deti Nahi Ab Baali Sakina s.a Ki Zubaan
Kehdo Zaalim Se Ke Ab Khatm Hui Aah O Fughaan
Aah Karney Ki Bhi Baaqi Nahi Taaqat Ammaa'n
(Haaye Zindaan-e-Shaam) x3

Lab-e-Sarwar Pe Jo Rehan Ka Nouha Aaya
Shaam Ke Zindaan Se Aaney Lagi Awaaz-e-Buka
Jaise Bachi Ka Koi Zakhm Hua Phir Taaza
Boli Kyun Ahl-e-Azza Kartey Hain Riqqat Ammaa'n
(Haaye Zindaan-e-Shaam) x4

Share This Lyrics, Choose Your Platform!