Haye Zainab Haye Zainab

Dekho Ay Khufiyo Main Zainab E Dilgeer Hun
Sar Nangy Mujhy Kiun Hai Phiraya Main Waris E Tatheer Hun

Dekho Ay Khufiyo Main Zainab E Dilgeer Hun

Aal E Ahmad Ka Tamasha Dekhny Aye Ho Kiun
Apni Ghairat Ka Janaza Dekhny Aye Ho Kiun
Bey Badan Naizon Py Lasha Dekhny Aye Ho Kiun
Main Usi Mazloom E Karbal Ki Dukhi Hamsheer Hun

Dekho Ay Khufiyo Main Zainab E Dilgeer Hun

Jis Ka Sajda Qalb E Yazdan Mein Samaya Woh Hussain
Gir Ky Ghorhy Sy Zameen Par Jo Na Aaya Woh Hussain
Sar Py Apny Jis Ko Teeron Ny Uthaya Woh Hussain
Main Usi Mazloom E Karbal Ki Dukhi Hamsheer Hun

Dekho Ay Khufiyo Main Zainab E Dilgeer Hun

Pochty Ho Mujh Sy Rony Ka Sabab Ahl E Jafa
Hai Tumhari Aurten Pardy Mein Aur Main Bey Rida
Mery Bachy Mera Bhai Bey Khata Mara Gaya
Main Usi Mazloom E Karbal Ki Dukhi Hamsheer Hun

Dekho Ay Khufiyo Main Zainab E Dilgeer Hun

Bay Kafan Jalti Zameen Par Aaj Bhi Sota Hai Jo
Ashk Ki Khaiti Zameen Par Aj Bhi Bota Hai Jo
Bey Ridai Par Meri Naizey Py Bhi Rota Hai Jo
Main Usi Mazloom E Karbal Ki Dukhi Hamsheer Hun

Dekho Ay Kufio Main Zainab E Dilgeer Hun

Woh Pas E Gardan Sy Jis Ko Taira Zarben Maar Kar
Kat Ky Sar Lashy Bey Sar Chorh Di Thi Khak Par
Phir Usi Ki Lash Par Ly Aye Mujh Ko Nangy Sar
Main Usi Mazloom E Karbal Ki Dukhi Hamsheer Hun

Dekho Ay Koofio Main Zainab E Dilgeer Hun

Jis Ka Ghazi So Gaya Dariya Kanarey Tashna Lab
Kat Gaye Bazoo Jari Ky Aur Kya Ho Ga Ghazab
Bey Rida Main Ho Gai Hun Jis Ky Marny Ky Sabab
Main Usi Mazloom E Karbal Ki Dukhi Hamsheer Hun

Dekho Ay Kufiyo Main Zainab E Dilgeer Hun

Boorhy Kandhon Par Utha Kar Laya Jo Akbar Ki Lash
Dafn Kar Di Jis Ny Jalti Khak Mein Asghar Ki Lash
Bey Kafan Bey Gor Hai Jis Shah E Behr O Bar Ki Lash
Main Usi Mazloom E Karbal Ki Dukhi Hamsheer Hun

Dekho Ay Khufiyo Main Zainab E Dilgeer Hun

Sham Ky Darbar Mein Rehan Thi Aah O Buka
Bey Kafan Bhai Ki Bey Chadar Behan Ny Jab Kaha
Ay Khudaye Lam Yazal Bey Gor Hai Bhai Mera
Main Usi Mazloom E Karbal Ki Dukhi Hamsheer Hun

Dekho Ay Koofiyo Main Zainab E Dilgeer Hun

Share This Lyrics, Choose Your Platform!