Aye Nehar-e-Alqama, Aye Nehar-e-Alqama
Aaj Bhi Iss Bekasi Par Ro Rahi Hai Karbala.
Alqama Behti Rahi Our Qafila Pyasa Raha.
Pyasa Tha Tere Samne Kunba Rasool Ka.

Aye Nehar-e-Alqama Tera Mehman Tha Hussain.
Kyun Tere Pas Reh Ke Bhi Oss Ko Mila Na Chain.
Tujh Se Hai Yeh Gila Aye Nehar-e-Alqama.

Khaimay They Ahl-e-Bait Ke Kitne Tere Qareeb.
Pyasay Hi Tere Samne Woh Mar Gaye Ghareeb.
Roti Thi Karbala Aye Nehar-e-Alqama.

Mashkeza Jis Ke Hath Mein Tha Doosh Par Alam.
Sahil Pe Tere Aaye They Abbas Ke Qadam.
Rutba Tujhe Mila Aye Nehar-e-Alqama.

Sokhi Pari Thi Mashk-e-Sakina Tarai Mein.
Do Bond Pani Kya Na Tha Sari Khudai Mein.
Haye Tu Ne Yeh Kya Kiya Aye Nehar-e-Alqama.

Ik Bekasi Si Ahl-e-Haram Par Tamam Thi.
Kitni Udas Sham-e-Ghareebaan Ki Sham Thi.
Aye Wa Musibata Aye Nehar-e-Alqama.

Nohon Mein Hain Jo Tazkira-e-Alqama :HILAL:.
Charon Taraf Hai Aaj Bhi Ik Matam-e-Malal.
Jari Hai Yeh Azza Aye Nehar-e-Alqama.

Share This Lyrics, Choose Your Platform!