Ai Ahl E Haram Meer O Alamdar Na Aaya

Alamdar Na Aaya

Saqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Mola Ki Kamar Tooti Jis Dam Yeh Khabar Aai
Mara Gaya Dariya Par Shabbir Ka Shaidai
Khoon Bhar Gaya Ankhon Mein Jati Rahi Beenai
Maqtal Sy Sakina Ka Woh Gham Khuwar Na Aya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Jab Khoon Mein Tar Aaya Abbas Ka Woh Parcham
Tapti Hui Raiti Par Atfaal Thy Sab Bay Dam
Sarwar Ny Kiya Noha, Zainab Ny Kiya Matam
Chillaye Haram Ghazi O Jarrar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Hukm E Sheh E Wala Par Dariya Ko Utha Lata
Kya Karta Bhala Ghazi Mehroom E Ijazat Tha
Koshish To Bahut Ki Par Lakhon Mein Gira Tanha
Jab Mashk Chidi Phir Woh Wafadar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Zehra Ky Gharanay Ka Woh Zamin E Chadar Tha
Maslak Mein Thi Saqqai, Kirdar Mein Haider Tha
Jis Waqt Katy Bazoo, Ghazi Ky Bahy Aansoo
Leny Gaye Maula Woh Dil Afgaar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Bachon Ki Sadayen Thiin Abbas Chacha Pani
Ek Mashk Lahoo Dy Kar Ek Mashk Bhara Pani
Us Mashk E Sakina Sy Jis Waqt Baha Pani
Woh Mar Gaya Dariya Py Hayadaar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Woh Shair E Dilawar Tha Tanha Bhi Jo Lashkar Tha
Afsos Lab E Dariya Ek Lasha E Bay Sar Tha
Hal Min Ki Sada Sunta Rota Tha Tarhapta Tha
Shabbir Ka Shaida Woh Madadgaar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Jalty Huye Khaimon Sy Zainab Ki Sada Aai
Ay Baba Ali Dekho Beti Ki Yeh Tanhai
Yeh Mashk O Alam Aaya Aaya Na Mera Bhai
Baba Mery Kunbay Ka Tarafdaar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Hussain

Rehan Sy Sarwar Sy Ho Dard Bayan Kaisy
Jis Shair Ki Dharas Par Aabad Rahy Khaimay
Jalty Huye Khaimon Sy Ghabra Ky Jo Zainab Ny
Kitni Bhi Sadayen Diin Woh Ek Baar Na Aaya

Saqqa E Hussain Syed O Salaar Na Aaya
Alamdar Na Aaya Alamdar Na Aaya

Ai Ahl E Haram Meer O Alamdar Na Aaya
Alamdar Na Aaya Alamdar Na Aaya

Share This Lyrics, Choose Your Platform!