Ashoor Ki Shab Haye Sakina Ka Woh Rona
Aur Syed E Mazloom Ka Beti Sy Yeh Kehna
Ary Tu Roye Main Yeh Dekh Nahi Sakta Sakina
Achi Nahi Yeh Baat Na Roya Karo Bibi

Achi Nahi Yeh Baat Na Roya Karo Bibi

Pehloo Mein Kabhi Maan Ky Bhi Soya Karo Bibi
Achi Nahi Yeh Baat Na Roya Karo Bibi

Kya Hoye Yeh Kisi Shab Ko Jo Hum Ghar Mein Na Ayen
Tum Hum Ko Na Pao Tumhen Hum Bhi Nahi Payen
Tarhpo Gi Nahi Dard Sy Wada Karo Bibi
Pehloo Mein Kabhi Maan Ky Bhi Soya Karo Bibi

Achi Nahi Yeh Baat Na Roya Karo Bibi

Betha Karo Kuch Dair Charaghon Ko Bhuja Kar
Samjha Karo Is Khak Ko Ay Ladli Bistar
Bali Kabhi Yun Hi Nahi Pehna Karo Bibi
Pehloo Mein Kabhi Maan Ky Bhi Soya Karo Bibi

Achi Nahi Yeh Baat Na Roya Karo Bibi

Ary Kuch Dair To Yeh Farz Karo Hum Na Rahen Gy
Baqi Na Rahy Hath Koi Rakhny Ko Sar Par
Mahol Yateemon Ka Bhi Socha Karo Bibi
Pehloo Mein Kabhi Maan Ky Bhi Soya Karo Bibi

Achi Nahi Yeh Baat Na Roya Karo Bibi

Adat Zara Tanhai Main Rehny Ki Bhi Dalo
Tasveer Tasawwur Mein Aseeri Ki Bana Lo
Azad Parindon Ko Na Dekha Karo Bibi
Pehloo Mein Kabhi Maan Ky Bhi Soya Karo Bibi

Achi Nahi Yeh Baat Na Roya Karo Bibi

Asghar Ko Na Manoos Karo Pyar Sy Apny
Akbar Ki Uroosi Ky Na Dekha Karo Sapny
Sughra Ky Qareeb Itna Na Betha Karo Bibi
Pehlu Mein Kabhi Maan K Bhi Soya Karo Bibi

Achi Nahi Yeh Baat Na Roya Karo Bibi

Zindan Sy Rehan Sada Ati Hai Aksar
Jaisy Ky Sakina Sy Yeh Farmaty Hon Sarwar
Ab Dar Sy Laeenon Ky Na Jaga Karo Bibi
Pehloo Mein Kabhi Maan Ky Bhi Soya Karo Bibi

Achi Nahi Yeh Baat Na Roya Karo Bibi

Share This Lyrics, Choose Your Platform!