Maqtal Ki Zameen Bha Gayi Abbas Na Lautey.

Is Shan Se Maqtal Ko Sidhara Tha Alamdar.
Aada Ki Nazar Kha Gayi Abbas Na Lautey.

Jab Teer Chala Beh Gaya Sab Mashk Se Pani.
Abbas Ko Sharam Aa Gayi Abbas Na Lautey.

Rone Ke Liye Lasha-e-Shabir Pe Ran Mein.
Firdos Se Maa Aa Gayi Abbas Na Lautey.

Khaimo Mein Lagi Aag Tu Ammo Ko Bulane.
Masoom Sakina Gayi Abbas Na Lautey.

Had Ho Gayi Bhai Ko Manane Lab-e-Sahil.
Khud Sani-e-Zahra Gayi Abbas Na Lautey.

Kya Jane Yeh Kyun Roth Gaye Kehti Thi Zainab.
Rukhsat Ki Ghari Aa Gayi Abbas Na Lautey.

Behta Howa Kano Se Lahu Sokhe Howay Lab.
Dikhlane Sakina Gayi Abbas Na Lautey.

Deti Rahi Aawaz Pe Aawaz Sakina.
Aakhir Ko Qaza Aa Gayi Abbas Na Lautey.

Pani Ke Liye Mashk-o-Alam Le Ke Gaye The.
Din Dhal Gaya Raat Aa Gayi Abbas Na Lautey.

Jagay They Kayi Shab Ke Kayi Din Ke They Pyasay.
Abbas Ko Neend Aa Gayi Abbas Na Lautey.

Zainab Ki Fogaan Maqtal-e-Shabir Mein Yawar.
Har Aik Ko Tarpa Gayi Abbas Na Lautey.

Share This Lyrics, Choose Your Platform!