Jan E Wafa E Aalam
Abbas E Ammu Janum

Dariya Par Tum Jao
Pani Ly Kar Aao
Pyasay Hain Hum Sab
Pyasa Hai Asghar
Abbas E Ammu Janum

Woh Dariya Behta Hai
Sab Ka Gala Sookha Hai
Tum Bhi To Pyasay Ho
Baba Bhi Pyasa Hai
Bhari Ho Lakhon Par
Abbas E Ammu Janum

Lo Yeh Alam Mashkeeza
Mery Pyaray Chacha
Tum Ko Mili Saqqai
Qurban Tum Py Sakina
Ay Sani E Haider
Abbas E Ammu Janum

Sookhy Hain Sab Koozay
Samjhen Bachay Kaisy
Sahil Par Paira Hai
Badal Bhi Na Barsy
Kab Jayen Gy Hum Ghar
Abbas E Ammu Janam

Kya Fauj E Aada Hai
Kya Is Ka Paira Hai
Tum Ho Sani E Haider
Pyasay Ho To Kya Hai
Kya Roky Ga Lashkar
Abbas E Ammu Janum

Jany Lagy Jab Ghazi
Goonji Aaho O Zari
Lab Py Duaen Lay Kar
Peechay Chali Shehzadi
Ahl E Haram Noha Gar
Abbas E Ammu Janum

Ammu Laot Ky Aana
Hum Ko Na Rulwana
Rakhy Khuda Hum Sab Ky
Sar Py Alam Ka Saya
Ay Moonis O Yaawar
Abbas E Ammu Janum

Boly Yeh Ro Kar Ghazi
Wada Karo Ay Bibi
Jab Yeh Alam Chup Jaye
Aaye Alam Jab Khali
Na Rona Yeh Keh Kar
Abbas E Ammu Janum

Share This Lyrics, Choose Your Platform!