Maqtal Mein Pahunchy Jab Shah E Wala
Lashae Jawan Aur Khaimon Ko Dekha
Dariya Ko Dekha Phir Yeh Pukara
Ab Yeh Salam E Akhir Hai Mera

Abbas Aajao Bhai Akela Hai
Tanha Musafir Ko Lakhon Ne Ghaira Hai

Tum Ny Na Dekhi Ghurbat Hamari
Zainab Thi Lai Meri Sawari
Rukhsat Ka Meri Manzar Ajab Tha
Seene Se Lag Jao Bhai Akela Hai
Abbas Aajao Bhai Akela Hai

Jab Se Ho Bichry Abbas Hum Se
Ahl E Haram Hain Lipty Alam Se
Kaisy Jiye Gi Bali Sakina
Kya Ho Ga Batlao Bhai Akela Hai
Abbas Aajao Bhai Akela Hai

Lashkar Kahan Ka Jab Tum Nahi Ho
Aada To Khush Hain Ab Tum Nahi Ho
Kitna Akela Kitna Hun Tanha
Seene Mein Hai Ghao Bhai Akela Hai
Abbas Aajao Bhai Akela Hai

Din Bhar Uthaye Kitny Janazae
Ab Kon Hai Jo De Ga Dilasae
Hote Agar Tum Dete Dilasa
Aao Chale Aao Bhai Akela Hai
Abbas Aajao Bhai Akela Hai

Mujh Par Baraste Yeh Sang Dekho
Be Kas Ki Tanha Ki Jang Dekho
Dekho Na Toote Nana Se Wada
Himmat Barha Jao Bhai Akela Hai
Abbas Aajao Bhai Akela Hai

Jab Shimr Khanjar Ko Phairta Tha
Qatil Ne Sheh Se Khud Yeh Suna Tha
Pyasa Gala Us Dam Yeh Pukara
Soorat Dikha Jao Bhai Akela Hai
Abbas Aajao Bhai Akela Hai

Sar Sheh Ka Aya Nok E Sinan Par
Aai Sada Yeh Rehan O Sarwar
Be Sar Parha Hai Bhai Ka Lasha
Ab To Chale Aao Bhai Akela Hai
Abbas Aajao Bhai Akela Hai.

Share This Lyrics, Choose Your Platform!