Aao Ek Kaam Karain Karbala Aam Karain

Aie Merey Des Kay Logon Meri Awaz Sono
Meri Awaz Mein Maqtal Ka Yeah Agaz Suno
Aie Merey Des Kay Logon Meri Awaz Sono
Meri Awaz Mein Maqtal Ka Yeah Agaz Suno

Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Jis Tarha Sani-e-Zehra s.a Ne Isey Aam Kiya
Eik Zanjeer Kee Jhankar Ne Wo Kaam Kiya
Jis Tarha Say Shohada Ne Safar-e-Sham Kiya
Yani Nezoon Say Buland Aur Bhi Islam Kiya
Hum Isi Tarz e Qayadat Ki Aada Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Yeah Jo Majlis Hai MaDawa Hai Har Eik Gham Kay Liye
Eik Soughaat Hai Yeah Deeda e Purnam Kay Liye
Souze Dil Chajiye Tehzeeb e Muharram Kay Liye
Koi Tafreeq Nahi Halqa-e-Mataam Kay Liye
Roney Waloon Kay Liye Farsh-e-Aza Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Aao Dekho Kay Yeah Khaima Yeah Alam Kis Ka Hai
Khoon Say Naam Yeah Sehra Pay Rakam Kis Ka Hai
Abhi Tarekh Say Aagey Yeah Qadam Kis Ka Hai
Sari Duniya Ko Batadin Kay Yeah Gham Kis Ka Hai
Sari Duniya Kay Liye Gham Ki Fiza Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Tum Bhi Seney Mein Yeah Gham Ley Kay Chalo Hau Bhi Chalin
Tum Bhi Inkarey Sitam Ley Kay Chalo Hum Bhi Chalin
Tum Bhi Haq Ka Yeah Hasam Lay Kay Chalo Hum Bhi Chalin
Tum Bhi Ghazi a.s Ka Alam Lay Kay Chalo Hum Bhi Chalin
Har Zamaney Kay Liye Fikrey Wafa Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Aisa Aejaz To Tareeq Ne Dekha Na Suna
Jo Diya Noor Kay Hatif Shab-e-Ashoor Buja
Sab Shahedoon Kay Diloon Mein Who Diya Ja key Jala
Aaj Bhi Roshni Deta Hai Wohi Eik Diya
Har Andherey Mein Wohi Eik Diya Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Paas Shabbir a.s Kay Apney Bhi Hain Agyar Bhi Hain
Khandan-e-Bani Hashim Bhi Hain Ansar Bhi Hain
Hur Bhi Hain John Bhi Hain Akbar e Jarrar Bhi Hain (a.s)
Jaan Deney Kay Liye Subah Say Tayyar Bhi Hain
Asey Maqtal Ki Fizza Ko Ba Khuda Aam Karin
Kiya Khabar Tum Na Raho X2
Kiya Khabar Hum Na Rahin
Aao Eik Kaam Karein, Karbala Aam Karein X2

Kafela Reh Gaya Eik Dasht-e-Bala Mein Piyasa
Jinki Miras Thi Kousar Unhain Pani Na Mila
Yeah Sabilin Unhi Pyasoon Say Wafa Hain Ba Khuda
Koi Piyasa Na Rahey Thi Yeah Sakina s.a Ki Dua
Har Zameen Par Yeah Sakina s.a Ki Dua Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Rehnuma Qatl Howa, Qatl Kayadat Na Hoi
Eik Imam Aur Barha Khatm Imamat Na Hoi
Jism Rondey Gaey Paamal Shariyat Na Hoi
Chadarin Chin Gain Batil Ki Hukumat Na Hoi
Yeah Mohammad s.a.w.w Kay Gharaney Ki Wafa Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Huramat-e-Haq Na Chhinni Chhin Gayi Zainab s.a Ki Rida
Jo Rida Chhin Gayi Uss Sey Yehi Peyghaam Mila
Hai Wohi Parda-e-Haq Aaj Bhi Logo Ba Khuda
BeyRida Ho Key Jo Duniya Ko Sikha Dey Pardah
BeyRidaayi Ki Qassam Aisi Rida Aam Karain
(Kia Khabar Tum Na Raho) x2
Kia Khabar Ham Na Raheyn
(Aao Ik Kaam Kareyn Karbala Aam Karain) x2

Haq Ki Aawaaz Ko Duniya Sar-e-Bazaar Suney
Hakim-e-Waqt Suney Halqa-e-Darbaar Suney
Aik Bimaar Ki Jaagi Hui Guftaar Suney
Beyriyo'n Se Jo Uthhi Thi Wohi Jhankaar Suney
Yehi Jhankaar Yehi Haq Ki Sadaa Aam Karain
(Kia Khabar Tum Na Raho) x2
Kia Khabar Ham Na Raheyn
(Aao Ik Kaam Kareyn Karbala Aam Karain) x2

Mera Maslak Mera Iman Wali Ibn-e-Wali
Meri Tareekh Meri Aan Wali Ibn-e-Wali
Mera Nara Meri Pehchaan Wali Ibn-e-Wali
Mera Rasta Meri Hansaan Wali Ibn-e-Wali
Iss Wali Ibn-e-Wali Sey Ye Wila Aam Karain
(Kia Khabar Tum Na Raho) x2
Kia Khabar Ham Na Raheyn
(Aao Ik Kaam Kareyn Karbala Aam Karain) x2

Merey Moula Merey Aaqa Yeah Tera Gham Na Rukey
Kitney Tofan Bhi Hilal Aye Magar Hum Na Rukey
Aai Azadar Yeah Majlis Yeah Muharram Na Rukey
Waqt Kitna Hi Badal Jaye Yeah Matam Na Rukey
Yeah Shahedoon Ka Hai Matam Ba Khuda Aam Karin
Kiya Khabar Tum Na Raho
Kiya Khabar Hum Na Rahin
Aao Eik Kaam Karein, Karbala Aam Karein

Share This Lyrics, Choose Your Platform!