Ashoor Ka Sooraj Hai Qayamat Ki Gharhi Hai
Bhai Ka Gala Kat’ta Behn Dekh Rahi Hai
Maqtal Mein Kisi Maan Ki Sada Goonj Rahi Hai
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Merey Liye Ay Laal Tu Asghar Ki Tarha Hai
Goudi Meri Gehwara Hai Bistar Ki Tarah Hai
Is Dhoop Mein Daman Mera Chadar Ki Tarha Hai
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Main Maan Hun Mera Dil Nahi Seeney Mein Sambhalta
Nazuk Yeh Badan Tera Yeh Jalta Hua Sehra
Aur Us Py Sitam Yeh Hai Ky Tu Reh Gaya Pyasa
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Main Goud Mein Ly Lun Tujhy Seeney Sy Laga Lun
Seeney Py Sakina Ki Tarha Tujh Ko Sula Lun
Seeney Ky Tery Teer Main Palkon Sy Nikalun
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Aa Kar Mere Zanoo Py Jo So Jaty Thy Beta
Chakki Ki Mashaqat Py Bhi Pehloo Nahi Badla
Ab Kaisy Tujhy Chorh Dun Maqtal Mein Akela
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Teri Bhi To Aulad Hai Tu Bhi To Padar Hai
Aulad Ka Gham Kya Hai Yeh Tujh Ko Bhi Khabar Hai
Gham Bachy Ka Seh Jaye Yeh Kis Maan Ka Jigar Hai
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Kiun Lait Gaya Thak Ky Tu Is Jalti Zameen Par
Yeh Kis Ka Lahu Tu Ny Mala Rooh E Haseen Par
Mat Khak Py So Laal Teri Maan Hai Yaheen Par
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Jo Dil Py Tery Guzri Main Sab Dekh Rahi Thi
Har Lash Uthany Main Tery Sath Gai Thi
Ab Bat Woh Kehti Hun Jo Bachpan Mein Kahi Thi
Aa Ay Mere Hussain Meri Goud Mein Aa Ja

Aa Ja Mere Bache Meri Aghosh Mein Aa Ja

Nohy Mein Bayan Kaisy Kary Sarwar O Rehan
Parh Sakta Nahi Koi Bhi Yeh Dard Ka Quran
Maan Kehti Thi Reh Jaye Na Dil Mein Mery Armaan
Aa Ay Merey Hussain Meri Goud Mein Aa Ja

Aa Ja Merey Bachy Meri Aghosh Mein Aa Ja

Share This Lyrics, Choose Your Platform!